buy cialis online buy viagra online vicodin online የ3 ዓመት የዕድገትና ትራንስፎርሜሽን ዕቅድ አፈፃፀም ምን ይመስላል ?

የ3 ዓመት የዕድገትና ትራንስፎርሜሽን ዕቅድ አፈፃፀም ምን ይመስላል ?


የእድገትና ትራንስፎርሜሽን እቅድ የተጀመረው በ2003 ዓ.ም ላይ መሆኑ ይታወቃል፡፡ የኢትዮጵያ መንገዶች ባለስልጣን በመንገድ ዘርፍ መርሃ ግብር የጥገና ስራዎች ጨምሮ 14782 ኪሎ ሜትር (መደበና ጥገናን ሳይጨምር) መንገዶች ለመገንባት የታቀደ ሲሆን በሶስት ዓመታት ጊዜ ውስጥ 8,107.5 ኪሎ ሜትር ለመስራት ታቅዶ 8,067.1 (99.5 በመቶ) ኪሎ ሜትር መንገዶች መገንባት እንደተቻለ ታውቋል፡፡



ከሶስት ዓመት ጊዜ ውስጥ ከ40 በላይ የሚሆኑ የመንገድ ፕሮጀክቶች ግንባታቸው ሙሉ በሙሉ ተጠናቆ ለአገልግሎት በቅተዋል፡፡ በሶስት ዓመታት ውስጥ በአምስት ዓመቱ ሊሰራ ከተያዘው ውስጥ 55 በመቶ የሚሆነው ስራ ተጠናቋል፡፡

የእድገትና ትራንስፎርሜሽን እቅድ ዘመን የመንገድ አሰራርን ለማሻሻልና የዋጋ ጥራትን ለመቆጣጠር 16 ፕሮጀክቶች ተነድፈው ተግባራዊ እየተደረጉ ይገኛሉ፡፡ በዚህ ረገድ ባለስልጣን መስሪያ ቤቱ የዘርፍን ውድድር ለማጎልበት አቅሙንም ለማሳደግ የተነደፈው ፕሮጀክት ይገኝበታል፡፡ ከዚህም አኳያ ሲታይ በሀምሌ 2002 ዓ.ም የነበረው የሥራ ተቋራጮች ቁጥር 15 ብቻ ሲሆን በአምስት ዓመቱ 100 ለማድረስ እቅድ በሶስት ዓመታት ውስጥ በዋና ዋና ስራዎች ከ66 በላይ (ንኡስ ተቋራጮችን ጨምሮ) ተቋራጮችን ማሳተፍ ተችሏል፡፡ በተጨማሪም በድልድይ ጥገና 20 እና በአስፋልት ጥገና ከ30 በላይ በአጠቃላይ 116 ማድረስ የተቻለበት ሁኔታ ነው ያለው፡፡

በሀምሌ 2002 ዓ.ም የነበረው የአማካሪዎች ቁጥር 25 ብቻ ሲሆን በአምሰት ዓመቱ 50 ለማድረስ ታቅዶ የማሳደግ ስራ ከዕቅድ በላይ የተከናወነ መሆኑን የሚያሳይ ነው፡፡ የምህንድስና ባለሙያዎች  በሁለተኛ ዲግሪና ከዚያ በላይ በማሰልጠንና በብቃት በአምስት ዓመቱ 3,000 ከማድረስ ታቅዶ በሶስት ዓመታት ውስጥ 2,115 ለማድረስ ተችሏል፡፡ በተጨማሪም የመንገድ ዘርፍ የቴክኒክና ሙያ ባለሙያዎች በማብቃት የዘርፍን አቅም በማሳደግ ረገድ በአምስት ዓመቱ 46,530 ለማድረስ ታቅዶ በሶስት ዓመታት ውስጥ 38,105 ማድረስ መቻሉን ከኢትዮጵያ መንገዶች ባለስልጣን ያገኘነው መረጃ ያመለክታል፡፡